MeuGando
Volver ao inicio

Aviso legal

Última actualización: 12 de xullo de 2026

1. Identificación do titular

En cumprimento do artigo 10 da Lei 34/2002, do 11 de xullo, de servizos da sociedade da información e de comercio electrónico (LSSI-CE), infórmase de que o titular deste sitio web e do servizo MeuGando é:

2. Obxecto do sitio

MeuGando é un servizo en liña (SaaS) de xestión de gando dirixido a comunidades de montes, gandeiros e explotacións gandeiras: censo de animais, rexistro de tratamentos sanitarios, calendario de doses, documentos veterinarios, pastoreo por parcelas e exportacións. O acceso ás páxinas públicas do sitio é gratuíto; o uso da aplicación require crear unha conta e aceptar os termos do servizo.

3. Condicións de uso

A persoa usuaria comprométese a facer un uso lícito e dilixente do sitio e do servizo, conforme á lei, a este aviso legal, aos termos do servizo e á boa fe. Queda prohibido calquera uso con fins ilícitos ou que poida danar, inutilizar, sobrecargar ou deteriorar o servizo, ou impedir o seu uso normal por parte doutras persoas usuarias.

4. Propiedade intelectual e industrial

O nome MeuGando, o logotipo, o deseño do sitio, o código fonte da aplicación e os demais contidos elaborados polo titular están protexidos polos correspondentes dereitos de propiedade intelectual e industrial. Non se ceden ás persoas usuarias dereitos de explotación ningúns máis alá do estritamente necesario para o uso do servizo. Os datos que cada explotación introduce na aplicación son da súa titularidade, nos termos descritos na política de privacidade e no anexo de encarga de tratamento dos termos do servizo.

5. Responsabilidade

O titular non se fai responsable dos danos derivados dun uso incorrecto do sitio nin dos contidos introducidos polas persoas usuarias. As condicións de prestación do servizo, a súa dispoñibilidade e as limitacións de responsabilidade detállanse nos termos do servizo.

6. Lexislación aplicable

Este aviso legal réxese pola lexislación española. Para calquera controversia que puidese derivarse do acceso ao sitio, as partes someteranse aos xulgados e tribunais que correspondan conforme á lexislación aplicable e, no caso de persoas consumidoras, aos do seu domicilio.